بۆ یەکەمجار لە مێژووی ئەمریکا ژنێک دەکرێتە سەرۆکی ستافی کۆشکی سپی

ئاڤا نیوز 

 

دۆناڵد ترەمپ، سەرۆکی هەڵبژێردراوی ئەمریکا، سوزی وایڵزی وەک سەرۆکی ستافی کۆشی سپی دەستنیشان کرد.

وێنە گەورەکە: سوزی وایڵز دەبێتە یەکەم ژن لە مێژووی ئەمریکادا کە پۆستی سەرۆکی ستافی کۆشکی سپی وەربگرێت. 

 

ڕاگەیێنراوی فەرمی: دۆناڵد ترەمپ لە ڕاگەیێنراوێکدا وایڵزی بە کەسێکی "سەخت، زیرەک و داهێنەر" وەسف کردووە کە لە سەر ئاستی جیهانی جێگەی سەرسامی و ڕێزلێگرتنە. ئەوەشی گوتووە کە "سوزی ماندوونەناسانە بەردەوام دەبێت بۆئەوەی جارێکی دیکە ئەمریکا مەزن ببێتەوە.

 

ئەوەی پێویستە بیزانیت: سوزی وایڵز لەدایکبووی ساڵی 1957ـە و سەرپەرشتی کەمپەینی ترەمپی بۆ بانگەشەکانی هەڵبژاردن دەکرد.