مالیکی: پشتگیری لە بەیاننامەکەی سیستانی دەکەین

ئاڤا نیوز

 

نووری مالیکی، سەرۆکی هاوپەیمانیی دەوڵەتی یاسا، هەڵوێستی خۆی سەبارەت بە ئامۆژگاریییەکانی عەلی سیستانی، گەورە مەرجەعی باڵای شیعەکان ڕایگەیاند و گوتی "پێویستە دۆخی ئەمنیی و ئارامی عێراق و ژیانی هاووڵاتیانی باشتر بکرێت".

 

وێنە گەورەکە: لەمیانی کۆبوونەوەی لەگەڵ نێردەی نەتەوەیەکگرتووەکان لە عێراق، سیستانی چەند ئامۆژگارییەکی ئاڕاستەی حکومەت و لایەنە سیاسییەکان کرد، بە ئامانجی هێنانەکایەی خۆشگوزەرانی هاووڵاتییان و سەروەری یاسا،  هاوکات ڕێگریکردن لە دەستوەردانی دەرەکی و کۆکردنەوەی چەک لە چوارچێوەی دەوڵەتدا.

 

لێدوانی فەرمی: نووری مالیکی، سەرۆکی هاوپەیمانیی دەوڵەتی یاسا لەو بارەیەوە ڕایگەیاند: بە خۆشحاڵییەوە پشتگیری لە بەیاننامەکەی مەرجەعی باڵا دەکەین، کە ئامانج لێی پابەندبوونی حکومەتە بە یاسا و بڕیارەکانی دەسەڵاتی دادوەری و دامەزراوەی یاسادانان.

 

زانیاریی زیاتر: مالیکی لە بەشێکی دیکەی قسەکانیدا ئاماژەی بۆ ئەوە کرد، "کەسانێک هەن خۆشحاڵن بە لاوازبوونی پڕۆسەی سیاسی و بەردەوام هەوڵی دروستکردنی قەیران دەدەن لە عێراق". مالیکی هەروەها داوای لە حکومەتیش کرد "چالاکیی شانە نوستووەکانی تیرۆریستان سنووردار بکات".