ئیسرائیل هەڕەشەی كوشتن لە بەشار ئەسەد دەكات

ئاڤا نیوز

حكومەتی ئیسرائیل هەڕەشەی کوشتن لە بەشار ئەسەد، سەرۆکی سووریا دەکات ئەگەر بێت و ڕێگریی لە ناردنی چەک لە سووریاوە بۆ لوبنان نەکات

 

وێنە گەورەكە: بۆ ڕێگریكردن لەو چەك و تەقەمەنییەی كە لە لایەن ئێرانەوە لە ڕێگەی سووریاوە دەگاتە  دەست گرووپە چەكدارەكان لە لوبنان، ئیسرائیل هەڕەشە لە بەشار ئەسەد، سەرۆکی سووریا دەكات، ئەگەرنا هەمان چارەنووسی نەسروڵڵای دەبێت.

 

ڕاگەیەنراوی فەرمی: میدیای ئێرانی بەپشتبەستن بە نامەیەك كە لە ڕۆژنامەی ئیسرائیل حەیومەوە بڵاوكراوەتەوە باس لەوە دەكات، ئیسرائیل جدییە لە پرسەكە و هەڕەشەی كوشتنی بەشار ئەسەدی كردووە و داوا دەكات ڕێگری لە هەناردە و دزەپێكردنی چەك لە وڵاتەكەیەوە بكات بۆ گرووپە چەكدارەكان.

 

ئەمەش بزانە: سوپای ئیسرائیل لەماوەی مانگی ڕابردوودا زیاتر لە چوار جار بۆردومانی چەند شوێنێكی كردووە لە ناو خاكی سووریا و ئێوارەی ڕۆژی یەكشەممەش چەند ناوچەیەكی لە ناو دیمەشق لە سووریا بۆدومانكرد و نۆ كەس لە ڕووداوەكەدا كوژران.