پرۆسەی دابەشکردنی زەوی فەرمانبەرانی سەڵتیش دەگرێتەوە

ئاڤا نیوز

 

بەگوێرەی ڕێنمایی نوێی وەزارەتی شارەوانی و گەشتوگوزار، ئەو فەرمانبەرانەی سەڵتیشن و هاوسەرگیریان نەکردووە دەتوانن فۆڕمی دابەشکردنی زەوی پڕبکەنەوە و لە وەرگرتنی زەوی سوودمەند ببن.

 

وێنە گەورەکە: بەر لە گۆڕانکاریی لە ڕێنمایی دابەشکردنی زەوی، پڕۆسەکە ئەو فەرمانبەرانەی هاوسەرگیریان نەکردووە و خانەنشینان بوون بێ بەش دەبوون، بەڵام دوای دەرچوونی ڕێنمایی نوێ ئەو دوو توێژەش فۆڕمیان پڕکردەوە و زەوی وەردەگرن.

 

لێدوانی فەرمی: سەربەست مەولوود، بەڕێوەبەری بەشی یاسایی لە وەزارەتی شارەوانی و گەشتوگوزار بە ئاڤا میدیای گوت، "بەگوێرەی ڕێنمایی ژمارە یەکی ساڵی 2024ی وەزارەتی شارەوانی و گەشتوگوزار، ئەو فەرمانبەرانی سەڵتن دەتوانن فۆڕمەکە پڕبکەنەوە بەو مەرجەی فەرمانبەربن و لە وەرگرتنی زەوی سوودمەند نەبووبن."

 

ئەوەی پێویستە بیزانیت: پڕۆسەی دابەشکردنی زەوی لە ناوچەکانی هەرێمی کوردستان بەردەوامە و لە قۆناغی یەکەمی دابەشکردنی زەوی 16 هەزار کەس لە سێ پارێزگا و دوو ئیدارەی سەربەخۆ سوودمەند دەبن، کار بۆ ئەوە دەکرێت لە قۆناغی دووەم دوو ئەوەندەی ئەو ژمارەیە زەوی وەربگرن.