سوودانی لە سەردانەکەیدا بۆ هەرێمی کوردستان دەچێتە سلێمانیش

ئاڤا نیوز 

 

محەممەد شیاع سوودانی، سەرۆكوەزیرانی عێراق سەردانی هەرێمی کوردستان دەکات، سەرەتا لە هەولێر ژمارەیەک کۆبوونەوەی دەبێت و دواتر سەردانی سلێمانی دەکات.

 

چیرۆکی سەرەکی: ئاڤا میدیا دوو ڕۆژ پێش ئێستا وەک یەکەم میدیا ئاشکرای کرد سوودانی سەردانی هەولێر دەکات و لەبارەی چەند پرسێکی گرنگ لەگەڵ بەرپرسانی هەرێمی کوردستان کۆدەبێتەوە.

 

زانیاریی تایبەت: ئاڤا زانیویەتی سەردانەکەی سوودانی ڕۆژی چوارشەممە، 13-11-2024 ەو لە هەولێر لەگەڵ هەریەك لە سەرۆك بارزانی، نێچیرڤان بارزانی و  سەرۆكوەزیران مەسرور بارزانی كۆدەبێتەوە و گفتوگۆ سەبارەت بە چارەسەركردنی گرفتەكانی نێوان هەولێر و بەغدا دەكەن.

 

ئەوەی پێویستە بیزانیت: سوودانی لەگەڵ بەرپرسانی هەرێمی کوردستان گفتوگۆ لەسەر چەند تەوەرێک دەکەن، گرنگترینیان، پێکهێنانی حکومەتی نوێی هەرێمی کوردستان، چارەسەرکردنی کێشەکانی نێوان هەولێر و بەغدا، بەتایبەت پرسەکانی؛ سەرژمێری، بودجە و مووچە، دەستپێکردنەوەی هەناردەکردنی نەوت و کێشەی زەویوزاری جووتیارانی کورد لە کەرکووک و ناوچەکانی دەرەوەی ئیدارەی هەرێمی کوردستان.