هاوپەیمانییەتیەکەی مالیکی لە هەنگاوەکانی سوودانی نیگەرانە

ئاڤا نیوز

 

فراکسیۆنی دەوڵەتی یاسا مەرجی نوێ بۆ یاسای هەڵبژاردن دادەنێت کە بڕیارە بەمزوانە بخرێتە نێو ئەجێندای دانیشتنی ئەنجوومەنی نوێنەرانی عێراق و دەنگی لەسەر بدرێت، یەکێک لەو مەرجانە ئەوەیە کە نابێت هیچ بەرپرسێکی باڵای حکومەت لە هەڵبژاردن بەشداری بکات. 

 

وێنە گەورەکە: بەشێک لە هێزەکانی چوارچێوەی هەماهەنگی زۆرجار هێرشی میدیایی دەکەنە سەر محەممەد شیاع سوودانی، بەڵام هەندێک لایەن پێیانوایە ئەو هێرشە میدیاییانە تەنیا نمایشە بۆ ئەوەی لەهەڵبژاردنی داهاتوودا لە نێو چوارچێوەی هەماهەنگیدا کار بکات.

 

لێدوانی فەرمی: عەقیل فەتلاوی، گوتەبێژی فراکسیۆنی دەوڵەتی یاسا لە پەرلەمانی عێراق ڕایگەیاند: فراکسیۆنەکەیان هەوڵدەدات یاسای نوێی هەڵبژاردن بە شێوەیەک هەموار بکرێتەوە، ڕێگری لە بەرپرسان بگیرێت پارە و دەسەڵات لە بانگەشە بەکاربهێنن و بەشداری لە هەڵبژاردن بکەن. 

 
گوتەبێژی هاوپەیمانی مالیکی فەرامۆشکردنی محەممەد شیاع سوودانی سەرۆکوەزیرانی عێراق لە هەڵبژاردنەکانی داهاتوودا ڕەتکردەوە ، دەڵێت "ئێمە لە سوودانی ناترسین بەڵکو لە خراپ بەکارهێنانی دەسەڵات دەترسین".