دەوڵەت باخچەلی: تیرۆر کۆتایی دێت و  جیاکاری نێوان کورد و تورک ناهێڵین

ئاڤا نیوز 

 

دەوڵەتە باخچەلی، سەرۆکی مەهەپە  جارێکیدیکە لەسەر پرسی کورد قسەی کرد و جەختی لە قسەکانی پێشووتری کردەوە و گوتی:" تیرۆر کۆتایی دێت و جیابوونەوە بە تەواوی چارەسەر دەکەین، ئامانج و هەوڵەکانمان بۆ ئەمەیە.

 

وێنە گەورەکە:  پرۆسەی ئاشتی نێوان کورد و تورک لە ڕۆژەڤی تورکیا بابەتێکی گەرمە، باخچەلی ئەو پرسەی لە شەقامی تورکی جووڵاند و تاوەکو ئێساش ڕژدە لەسەر ئەوەی تا نەگاتە ئەنجام واز لە هەوڵەکانی نەهێنێت.

 

لێدوانی فەرمی: دەوڵەت باخچەلی، سەرۆکی مەهەپە گوتی: ڕژدم لەسەر قسەکانی پێشووترم، ڕژدم لەسەر هەڵوێستەکانم، ئەمجارە کۆتایی بە تیرۆر دێت و جیاکاری لە نێوان کورد و تورک بە تەواوی ناهێڵێن.

 

لەلایەکی دیکەوە: باخچەلی هەموو ئەو دەنگۆیانە ڕەتدەکاتەوە کە باس لەوە دەکەن ناکۆکی لە نێوان باخچەلی و ئەردۆغان هەیە لەبارەی پرۆسەی ئاشتی نێوان کورد و تورک.