محەممەد شیاع سوودانی دێتە هەولێر

ئاڤا نیوز

 

سبەی چوارشەممە، محەممەد شیاع سوودانی، سەرۆكوەزیرانی عێراق بە سەردانێك دەگاتە هەولێری پایتەختی هەرێمی كوردستان.

 

زانیاریی تایبەت: بەپێی زانیارییەكانی ئاڤا نیوز، سەر لە بەیانیی سبەی چوارشەممە 13-11-2024، سەرۆكوەزیران عێراق بە سەردانێك دەگاتە شاری هەولێر و لە فڕۆكەخانە لەلایەن سەرۆكوەزیران مەسرور بارزانی و ژمارەیەك بەرپرسی باڵای دیكەی هەرێمی كوردستانەوە پێشوازیی لێدەكرێت.

 

زانیاریی زیاتر: وا بڕیارە لەمیانەی سەردانەكەیدا، سوودانی لەگەڵ هەریەك لە سەرۆك بارزانی، نێچیرڤان بارزانی، سەرۆكی هەرێمی كوردستان و سەرۆكوەزیران مەسرور بارزانی كۆببێتەوە و لەبارەی چەند پرسێكەوە گفتوگۆ بكرێت، گرنگترینیان پێکهێنانی حکومەتی نوێی هەرێمی کوردستان، چارەسەرکردنی کێشەکانی نێوان هەولێر و بەغدایە، بەتایبەت پرسەکانی؛ سەرژمێری، بودجە و مووچە، دەستپێکردنەوەی هەناردەکردنی نەوت و کێشەی زەویوزاری جووتیارانی کورد لە کەرکووک و ناوچەکانی دەرەوەی ئیدارەی هەرێمی کوردستان.

 

ئەوەش بزانە: وا بڕیارە دوای هەولێر، سەرۆكوەزیرانی عێراق ڕاستەوخۆ سەردانی سلێمانی بكات.