بۆچوونی لایەنەکان لەبارەی سەرژمێری؛ چارەنووسی کورد چی دەبێت؟

ئاڤا نیوز

چەند ڕۆژێکی کەم ماوە بۆ بەڕێوەچوونی سەرژمێری گشتی لە عێراق و تاوەکو ئێستا ڕوون نییە چارەنووسی کورد لە ناوچەکانی دەرەوەی ئیدارەی هەرێمی کوردستان دوای ئەم سەرژمێرییە چۆن دەبێت، لایەنە کوردستانییەکانیش لەسەر ئەم پرسە هاوڕان و بە پرسێکی نیشتمانی دادەنێن کە دەبێت بەوردی چاوردێری بکرێت.

چیرۆکی سەرەکی: ئاڤا میدیا زانیویەتی سەرژمێری بەپێی شوێنی نیشتەجێبوون دەبێت نەک شوێنی ڕەسەنی خۆیان. دەستەی ئاماری هەرێمی کوردستان ئامادەکاری تەواوی بۆ پرۆسەکە کردووە، ئەم سەرژمێرییە  کاریگەری لەسەر گۆڕینی  دیمۆگرافیای دانیشتووان و دیاریکردنی بەشە بودجە و کورسی ئەنجوومەنی نوێنەران دەبێت. 

لێدوانە فەرمییەکان: کەمال کەرکووکی، ئەندامی مەکتەبی سیاسی پارتی دیموکراتی کوردستان پێیوایە، سەرژمێری بەمشێوەیە نەکردنی باشترە لە کردنی.
 
خەتاب عوسمان، ئەندامی جڤاتی نیشتمانیی بزووتنەوەی گۆڕان لەوبارەیەوە دەڵێت مەترسییەکە لە لادانی نەتەوەیە لە فۆڕمەکەدا.
 
شوان ڕابەر، ئەندامی  ئەنجوومەنی باڵای کۆمەڵی دادگەری دووپاتی دەکاتەوە، نابێت مەرامی سیاسی لەپشت سەرژمێرییەوە بێت.