سوودانی لە هەولێرە و لەگەڵ بەرپرسانی باڵای هەرێمی کوردستان کۆدەبێتەوە

ئاڤا نیوز

محەممەد شیاع سوودانی، سەرۆکوەزیرانی عێراق لە فڕۆکەخانەی نێودەوڵەتیی هەولێر  لەلایەن سەرۆکوەزیران مەسرور بارزانی پێشوازی لێ کرا.

وێنە گەورەکە: سوودانی ژمارەیەک کۆبوونەوەی لە هەولێر دەبێت و لەگەڵ سەرۆک بارزانی، نێچیرڤان بارزانی و سەرۆکوەزیران مەسرور بارزانی کۆدەبێتەوە. هەر ئەمڕۆ سەردانی سلێمانی دەکات و لەگەڵ بافڵ تاڵەبانی، سەرۆکی یەکێتی کۆدەبێتەوە.  سوودانی لە هەولێر و سلێمانی چاوی بە ژمارەیەک سەرۆک حیزبی دیکەش دەبێت.

ئەوەی پێویستە بیزانیت: سوودانی چەند پرسێک لەگەڵ بەرپرسانی هەرێمی کوردستان تاوتوێ دەکات، لەوانە؛ دەستپێکردنەوەی هەناردەکردنی نەوت، سەرژمێری، پێکهێنانی حکومەت، چارەسەرکردنی کێشەکانی نێوان هەولێر و بەغدا  بەتایبەت بودجە و مووچە، ، پڕۆژەی ڕێگای گەشەپێدان، کێشەی زەوی جووتیارانی کورد لە ناوچە کوردستانییەکانی دەرەوەی ئیدارەی هەرێمی کوردستان و دۆخی ناوچەکە دوای گەڕانەوەی دۆناڵد ترەمپ بۆ کۆشکی سپی.

کوردستان حەسەن، پەیامنێری دیبلۆماسی ئاڤا باسی سەردانەکەی سوودانی دەکات