مەسرور بارزانی و سوودانی: دەبێت بڕیاری دادگای فیدراڵی لەبارەی مووچە جێبەجێ بکرێت

ئاڤا نیوز

سەرۆکوەزیران مەسرور بارزانی و محەممەد شیاع سوودانی لە هەولێر کۆبوونەوە و جەختیان لە جێبەجێکردنی بڕیاری دادگای باڵای فیدراڵی عێراق لەبارەی مووچە کردەوە.

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە، لە کۆبوونەوەکەدا سوودانی پیرۆزبایی سەرکەوتنی هەڵبژاردنی پەرلەمانی کوردستانی لە سەرۆکوەزیرانی هەرێمی کوردستان کردووە.

ناوەڕۆکی کۆبوونەوە: سوودانی و سەرۆکوەزیران مەسرور بارازنی چەند بابەتێکیان تاوتوێ کردوون،  لەوانە دۆسییە هاوبەشەکانی نێوان حکومەتی فیدڕاڵ و حکومەتی هەرێمی کوردستان، لەپێش هەمووشیانەوە هەوڵەکانی تایبەت بە هەناردەکردنەوەی نەوتی هەرێمی کوردستان. 

هەردوولا جەختیان لەسەر گرنگیی ڕێکخستنەوەی پەیوەندییەکانی نێوان هەولێر و بەغدا کردووەتەوە بەجۆرێک لە ئاستی خواستی هاووڵاتیانی هەموو عێراقدا بێت.

بە گرنگیش زانراوە بڕیاری دادگای فیدڕاڵی پەیوەست بە مووچەی فەرمانبەرانی حکومەتی هەرێمی کوردستان جێبەجێ بکرێت. کە خۆی دەبینێتەوە لەوەی مووچەی مووچەخۆرانی هەرێمی کوردستان تێکەڵی ناکۆکی سیاسی نەکرێت و بە هیچ پاساوێک ڕانەگیرێت.