سوودانی وەسفی خەڵکی کوردستان دەکات: لەڕووی سیاسییەوە گەلێکی هۆشیارە

ئاڤا نیوز

 

نێچیرڤان بارزانی و محەممەد شیاع سوودانی ئەنجامەکانی هەڵبژاردنی پەرلەمانی کوردستان، هەنگاوەکانی پێکهێنانی کابینه‌ی نوێی حکومەت، پەیوەندییەکانی هەولێر و بەغدا و بارودۆخی عێراق و دوایین پێشهاتەکانی ناوچەکە تاوتوێ دەکەن.

وێنە گەورەکە: محەممەد شیاع سوودانی ئەمڕۆ چوارشەممە بە سەردانێک گەیشتە هەولێر و لە دووەم وێستگەی سەردانەکەیدا دوای کۆبوونەوە لەگەڵ سەرۆکوەزیران مەسرور بارزانی، لەگەڵ نێچیرڤان بارزانی، سەرۆکی هەرێمی کوردستان کۆبووەوە.

ڕاگەیێنراوی فەرمی:  سوودانی پیرۆزبایی لە هەرێمى كوردستان کردووە بۆ سەرکەوتنى پرۆسەی هەڵبژاردن و بەشداريی بەرفراوانی دەنگدەرانی بە نیشانەی هۆشیاريی سیاسيی گەلی کوردستان و پابەندبوونيان بە پرۆسەی دیموکراسی وەسف کردووە.

هەردوولا جەختیان لەسەر گرنگيی بەهێزکردنی میکانیزمەکانی هەماهەنگيی هاوبەش و پێویستيی چارەسەرکردنی دۆسیە هاوبەشەکانى نێوان هه‌ولێر و به‌غدا لە ڕێگەی دیالۆگی بیناتنەر و پابەندبوون بە دەستووری عێراق کردووەتەوە. هه‌روه‌ها هاوڕا بوون لەسەر گرنگيی بەردەوامبوونی گفتوگۆ بۆ بەهێزکردنی هاوکاری و پەرەپێدانی پەیوەندییەکانى نێوانيان.

نێچیرڤان بارزانی ستایشی پشتگیری سوودانی و لایەنە پەیوەندیدارەکانی عێراقی کرد بۆ سه‌رخستنى هەڵبژاردن و جەختی لەسەر گرنگی بەهێزکردنی هاوکاريی نێوان هەولێر و بەغدا لە قۆناغی داهاتوودا کردەوە.

لەلایەکی دیکەوە: پێشهاتەکانی ڕۆژهەڵاتی ناوەڕاست و کاریگەرییەکانی لەسەر عێراق تاوتوێ کراون. له‌مباره‌يه‌وه‌ هەردوولا جەختیان لەسەر پێویستيی دوورخستنەوەی وڵات لە لێكه‌وته‌كانى ململانێی هەرێمی و کاری هاوبەش بۆ پاراستنی ئاسایش و سەقامگیری عێراق کردووەتەوە.