چەند رۆژێکی کەم ماوە بۆ بەڕێوەچوونی سەرژمێریی گشتیی لەعێراق

ئاڤا نیوز

 
چەند رۆژێکی کەم ماوە بۆ بەڕێوەچوونی سەرژمێری گشتیی لە عێراق و تاوەکو ئێستا ڕوون نییە کە چارەنووسی کورد لە ناوچەکانی دەرەوەی ئیدارەی هەرێم دوای ئەم سەرژمێرییە چۆن دەبێت، لایەنە کوردستانیەکانیش لەسەر ئەم پرسە هاوڕان و بە پرسێکی نیشتمانی دادەنێین کە دەبێت بە وردی چاوردێری بکرێت.

 

وێنە گەورەکە: ئاڤا میدیا زانیویەتی کە سەرژمێرییەکە بەپێی شوێنی نیشتەجێبوون دەبێت نەک شوێنی ڕەسەنی خۆیان، بە گوتەی کەمال کەرکووکی ئەندامی مەکتەبی سیاسی پارتی دیموکراتی کوردستان، ئەم سەرژمێرییە بەمشێوەیە نەکردنی باشترە لە کردنی.

 

زانیاریی زیاتر: دەستەی ئاماری هەرێمی کوردستان ئامادەکاریی تەواوی بۆ پرۆسەکە کردووە و ئامادەکارییەکان گەیشتوونەتە کۆتایی، ئەم سەرژمێرییەش  کاریگەری لەسەر گۆڕینی دیمۆگرافییای دانیشتووان و دیاریکردنی بەشە بودجە و کورسی ئەنجوومەنی نوێنەران دەبێت