پێشەوا هەورامانی: سوودانی بەڵێنی دا سێ مووچەکە بنێرێت

ئاڤا نیوز

 

پێشەوا هەورامانی، گوتەبێژی حکومەتی هەرێمی کورستان ناوەڕۆکی کۆبوونەوەی ئەمڕۆی سەرۆکوەزیران مەسرور بارزانی و محەممەد شیاع سوودانی، سەرۆکوەزیرانی عێراقی ئاشکرا کرد.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان لە گەشتی هەواڵەکانی کاتژمێر 07:00ـی ئاڤا ناوەڕۆکی کۆبوونەوەی نێوان مەسرور بارزانی و محەممەد شیاع سوودانی لەبارەی مووچە ئاشکرا کرد و ڕایگەیاند، سوودانی لە کۆبوونەوەکەدا بەڵێنی داوە سێ مووچەی کۆتایی ئەمساڵ بنرێت.

لەلایەکی دیکەوە: پێشەوا هەورامانی باسی لەوە کرد، مەسرور بارزانی داوای لە محەممەد شیاع سوودانی سەرۆکوەزیرانی عێراق کردووە کە بابەتی مووچە تێکەڵی بابەتە سیاسییەکان نەکرێت، لەبەرامبەردا سوودانی سەرۆکوزیران مەسرور بارزانی دڵنیاکردووەتەوە کە مووچە تێکەڵی بابەتە سیاسییەکان ناکرێت.

 

زانیاریی زایاتر: لە پرسیارێکی هەوراز گوڵپی، پێشکەشکاری گەشتی هەواڵی کاتژمێر 7ـی ئاڤا دەربارەی ئایا سوودانی بەڵێنی داوە سێ مووچە بنرێت، پێشەوا هەورامانی وەڵامی دایەوە و گوتی، "بەڵێ، سوودانی بەڵێنی داوە سێ مووچەی کۆتایی ئەمساڵ بنێرێت".