شێروان دووبەردانی: بەشێک لە لایەنە سیاسیەکانی عێراق و کوردستانیەکان کێشە بۆ هەرێمی کوردستان دروستدەکەن

ئاڤا نیوز

 

ئەگەر چی کۆسپ و ئاستەنگی زۆر بۆ کابینەی نۆیەمی حکومەتی هەرێمی کوردستان دروستکرا، بەڵام ئەو کابینەیە بە سەرپەرشتی سەرۆکوەزیران مەسرور بارزانی لە سەرجەم سێکتەرەکان پێشکەوتنی بەرچاوی بە خۆیەوە بینیوە.

 

لێدوانی فەرمی: شێروان دووبەردانی، ئەندامی پەرلەمانی عێراق، بە ئاڤا نیوزی ڕاگەیاند: کابینەی نۆیەمی حکومەتی هەرێمی کوردستان لە لایەن بەشێک لە هێزە سیاسیەکانی عێراق و هەندێک لایەنی کوردستانی بەردەوام کێشەی بۆ دروست دەکرا، بەڵام ئەو کابینەیە لەسەر دەستی سەرۆکوەزیران مەسرور بارزانی، لە سەرجەم سێكتەرەکان پێشکەوتنی بەرچاوی بەخۆیەوە بینیوە، وەک "ڕێگاو بان، تەندورستی، دروستکردنی پۆند و ئاوەدانکردنەوە".

 

شێروان دووبەردانی ئاماژە بەوەش دەکات، "کێشەکانی هەرێمی کوردستان بە سیاسیی کراوە، بڕیارەکانی دادگای فیدراڵی وەک خۆی جیبەجێ ناکرێت، بە تایبەتی لە پرسی مووچەی فەرمانبەران".

 

ئەوەی لەوبارەیەوە دەگوترێت:  شێروان دووبەردانی لەبارەی پرسی مووچەوە دەڵێت: ئەگەر لیستی مووچەی بەشێک لە فەرمانبەران کێشەی هەیە یان وەزارەتی دارایی عێراق تێبینی لەسەر هەیە، خۆ دەکرێت مووچەی ئەو مووچەخۆرانە بنێردرێت کە کێشەیان نیە و دواتر چارەسەری ئەوانەی دیکەش بکرێت کە کێشەی تێدا بووە.

 

 

لەلایەکی دیکەوە: دووبەردانی ڕایدەگەیەنێت: ئەوەی ئێستا بەغدا دەیکات بەرامبەر بە مووچەخۆرانی هەرێمی کوردستان هیچ بیانوویەک هەڵناگرێت،  جگە لە ململانێی سیاسی نەبێت کە مانگانە بە بیانوی جیاواز کێشە بۆ مووچەی فەرمانبەرانی کوردستان دورستدەکات.