کارەکانی نۆژەنکردنەوەی قەڵای هەولێر گەیشتووەتە قۆناغی کۆتایی

ئاڤا نیوز

 

تیمێکی قایمەقامییەتی قەزای ناوەندی هەولێر بەمەبەستی ئاگاداربوون لە دواهەمین پێشهاتەکانی نۆژەنکردنەوەی قەڵای هەولێر، سەردانی کۆمسیۆنی باڵای بووژاندنەوەی قەڵای هەولێر دەکەن و لەنزیکەوە چاودێری دواهەمین پەرەسەندنەکان دەکەن.

 

وێنە گەورەکە: ماوەی چەندین ساڵە، ژمارەیەک پڕۆژەی نۆژەنکردنەوە لە قەڵای هەولێر دەستیپێکردووە و کارەکان بەرەو قۆناغی کۆتایی دەچێت.

لێدوانی فەرمی: نەبەز عەبدولحەمید، قایمەقامی قەزای ناوەندی هەولێر ڕایگەیاند، کابینەی نۆیەمی حکومەتی هەرێمی کوردستان، بایەخێکی تایبەتی بە پەرەپێدانی کەرتی گەشتیاری داوە، لەو چوارچێوەیەشدا هەڵمەتێکی فراوانی نۆژەنکردنەوەی شوێنەوارە مێژوویی و دێرینەکانی دەستپێکردووە.

 

بۆچی گرنگە: هەوڵەکانی حکومەتی هەرێمی کوردستان بۆ بووژاندنەوەی شوێنەوارە مێژووییەکان، بەئامانجی ڕاکێشانی ژمارەیەکی زیاتری گەشتیارانە تاوەکو سێکتەری گەشتیاری ببێتە سەرچاوەیەکی گرنگی داهات بۆ هەرێمی کوردستان.

 

ئەوەی پێویستە بیزانیت: ئەرکی نۆژەنکردنەوەی ژمارەیەک کۆڵان و خانووی نێو قەڵای هەولێر، بە کۆمیسیۆنی باڵای بووژاندنەوەی قەڵای هەولێر سپێردراوە، و تیمێکی سەر بە (UNSCO) چاودێری وردی پرۆسەکە دەکەن، بەوپێیەی قەڵای هەولێر لەئێستادا لە پۆلێنی 100 گرنگترین شوێنەوارەكانی جیهان.