پرسی سەرژمێری لایەنە سیاسییەکانی لە کەرکووک کۆکردەوە

ئاڤا نیوز

 

مەترسی لە ئەنجامی سەرژمێریی گشتیی لایەنە سیاسیە کوردییەکانی لە کەرکووک کۆکردەوە، تەوەری کۆبوونەوەکان هێندە گەرم و گرنگ بوون زیاتر لە دوو کاتژمێر و نیوی خایاند.

 

بۆچی گرنگە: بڕیارە ڕۆژی 20 و 21ـی ئەم مانگە سەرژمێریی گشتیی دانیشتووان لە هەرێمی کوردستان و عێراق بکرێت بە ناوچە  کوردستانیەکانی دەرەوەی ئیدارەی هەرێمەوە. بەهۆی هێنانی ژمارەیەکی زۆری عەرەبی هاوردە و هاوکات جێهێشتی ناوچەکە لەلایەن کوردی ڕەسەنی ئەو ناوچانە، ترسی ئەوە هەیە ئەنجامی سەرژمێرییەکە ئایندەی ئەو ناوچە کوردستانییانە بخاتە مەترسییەوە و کاریگەری لەسەر ڕێژەی کورد لەو ناوچانە دروست بکات. 

 

زانیاریی بەدەستهاتوو: لە کۆبوونەوەکە جەخت کرایەوە کە پێویستە سەرژمێرییەکی پاک و بێگەرد ئەنجام بکرێت، بەتایبەت پرۆسەی سەرژمێریی لە ناوچە کوردستانییەکانی دەرەوەی ئیدارەی هەرێم وەک خۆی ئەنجام بدرێت، لە پێناو مافی پێکهاتە رەسەنەکانی کەرکوک.

ئەوەی پێویستە بیزانیت: هەرچەندە ناوەڕۆکی ڕێکەوتنی هەرێم و بەغدا بۆ پرسی سەرژمێری ئاشکرا نەکرا، بەڵام ئاڤا وردەکاریەکەی زانیوە، کە بەغدا ڕازی بووە بۆ سەرژمێری پشت  بە ئاماری 1957 ببەسترێت، هەروەها دوای سەرژمێری کردن لە کەرکوک پێداچونەوە بە تۆمارکردنی ناوی هاووڵاتییانی کەرکوک و ناوچە جێناکۆکەکان بکرێت.