ترەمپ "لایەنگرێکی ڕووسیا" وەک سەرۆکی هەواڵگریی ئەمریکا دیاری دەکات

ئاڤا نیوز

دۆناڵد ترەمپ، سەرۆکی هەڵبژێردراوی ئەمریکا، تولسی گابارد کە سەربازێکی کۆنی ئەمریکییە، وەک سەرۆکی دەزگای هەواڵگریی ئەمریکا هەڵدەبژێرێت، لەکاتێکدا  بە کەسێکی لادەر لە کۆمارییەکان و لایەنگری ڕووسیا ناسراوە.

 

وێنە گەورەکە: ترەمپ لە دوای سەرکەوتنی بۆ سەرۆکایەتیی ئەمریکا و گەڕانەوەی بۆ کۆشکی سپی، وردە وردە کابینەی نوێی دروست دەکات و جومگە سیاسییە گرنگەکانی نێو حکومەتی ئەمریکا دەستنیشان دەکات.

 

ئەوەی پێویستە بیزانیت: گابارد بە هەڵوێستەکانی وەک لایەنگری ڕووسیا ناسراوە، ئەمە لە کاتێکدایە ترەمپ لەگەڵ ڕووسیا نێوانی باش نییە.

 

بڵاوکراوەی فەرمی: گابارد لە هەژماری خۆیدا لەسەر پلاتفۆرمی ئێکس پاش ماوەیەکی کەم لە داگیرکردنی ئۆکراینا لە شوباتی 2022 لەلایەن ڕووسیاوە نووسیویەتی: دەکرا هەموو ئەم شەڕە و ئەم ئازارە دوور بخرێتەوە ئەگەر هەردوو ئیدارەی بایدن و ناتۆ نیگەرانییە ڕەواکانی ڕووسیا لەبەرچاو بگرن سەبارەت بە ئەگەری ئەندامبوونی ئۆکراینا لە ناتۆ.