سەرۆکی ئەتۆمی ئێران: بەرپەرچدانەوەی خێرامان بۆ هەر دەستوەردانێک دەبێت

ئاڤا نیوز

 

محەممەد ئیسلامی، سەرۆکی ڕێکخراوی وزەی ئەتۆم لە ئێران هەڕەشەی بەرپەرچدانەوەی خێرا دەکات لە دژی هەر بڕیارێک لەلایەن دەستەی بەڕێوەبەرانی دەزگای ئەتۆمی ڕێکخراوی نەتەوەیەکگرتووەکانەوە کە دەستوەردان لە بەرنامە ئەتۆمییەکەی بکات.

 

چیرۆکی سەرەکی: ڕافائیل گرۆسی، سەرۆکی ئاژانسی نێودەوڵەتیی وزەی ئەتۆمی دوای ئەوەی شەوی ڕابردوو گەیشتە تاران بۆ وتوێژی چارەنووسساز سەبارەت بە بەرنامەی ئەتۆمی ئێران چاوی بە بێهروز کەمالوەندی، گوتەبێژی ڕێکخراوی ئەتۆمی ئێران کەوت، دواتر لەگەڵ محەممەد ئیسلامی سەرۆکی ڕێکخراوی وزەی ئەتۆمی ئێران لە تاران کۆبووەوە. 

 

لێدوانی فەرمی: محەممەد ئیسلامی، لە کۆنگرەیەکی ڕۆژنامەوانیی هاوبەش لەگەڵ ڕافائیل گرۆسی بەڕێوەبەری گشتیی سەردانیکەری ئاژانسەکە گوتی: هەر بڕیارنامەیەکی دەستوەردانکەرانە لە کاروباری ئەتۆمی کۆماری ئیسلامیی ئێران بەدڵنیاییەوە ڕووبەڕووی بەرپەرچدانەوەی خێرا دەبێتەوە.

 

ئەوەی پێویستە بیزانیت: ئەم سەردانە لە دوای هەفتەیەک لە سەرکەوتنی دۆناڵد ترەمپ لە هەڵبژاردنەکانی سەرۆکایەتیی ئەمریکا دێت. لەکاتێکدا کە پێشووتر تاران ڕایگەیاندبوو سەرکەوتنی ترەمپ بۆ ئەوان باش نابێت.