فەرەنسا لەسەر قسە گوتن بە ئاڵای وڵاتەکە ئیمامێک دیپۆرت دەکاتەوە

ئاڤا نیوز

وەزارەتی ناوخۆی فەرەنسا لەسەر قسەکردن لەبارەی ئاڵای فەرەنساوە ئیمامێکی تونسی دیپۆرت کردەوە، بەڵام ئیمامەکە دەڵێت مەبەستی بیڕێزیکردن نەبووە و لە دەمی دەرچووە.

چیرۆکی سەرەکی: لە گرتە ڤیدیۆیەکدا مەحجوب مەحجوبی، کە ئیمامێکی تونسییە و 38 ساڵە لە فەرنسا دەژی، قسە لەسەر ئاڵای سێ ڕەنگیی دەکات و بە ئاڵای "شەیتانیی" ناوزەندیان دەکات بەبێ ئەوەی ناوی ئاڵای فەرەنسا بهێنێت.

کاریگەری و لێکەوتەکان: گرتە ڤیدیۆکە هەرایەکی گەورە بەدوای خۆیدا دهێنێت و بەکارهێنەرانی تۆڕە کۆمەڵایەتییەکان دەڵێن، ئیمام مەحجوبی مەبەستی ئاڵای فەرەنسایە، بەهۆی ئەوەی ئاڵای فەرەنسا سێ ڕەنگییە و بریتییە لە رەنگی سوور، سپی و شین. 

لێدوانی فەرمی: جێراڵد دارمانین، وەزیری ناۆخی فەرەنسا، ڕایگەیاند لەدوای 12 کاتژمێر لە قسەکانی، مەحجوبی نێردراوەتەوە و "ئێمە ناهێڵین هیچ شتێک بەسەرماندا تێپەڕێت."

بۆچوونی لایەنی بەرامبەر: مەحجوب مەحجوبی ڕەتیدەکاتەوە هیچ کارێکی نایاسایی کردبێت و داوای لێبوردنی کرد، ڕاشیگەیاند کە نەیویستووە بێڕێزی بە ئاڵای فەرەنسا بکات و ئەوەی گوتویەتی لە دەمی دەرچووە.