تۆمارێکی دەنگی عالیە نسەییف لە تۆڕە کۆمەڵایەتیەکان هەرادەنێتەوە

ئاڤا نیوز

 

تۆمارێکی دەنگی عالیە نسەییف بڵاودەبێتەوە کە تیایدا بەزمانێکی تووند باسی پارێزگاری بەغدا دەکات، تۆمارەکە لە ماوەیەکی کەمدا کاردانەوەیەکی زۆری لە میدیاکان و تۆڕە کۆمەڵایەتییەکان بەدوای خۆیدا هێنا.

 

زانیاریی بەدەستهاتوو: لە تۆمارە دەنگیەکەدا عالیە نسەییف، پەرلەمانتاری عێراق دەڵێت، "هەر پارێزگارێک دەستبەکاربێـت، بەئارەزووی خۆی نییە، دەبێت داواکاریەکانی من و سوندوسی خوشکم جێبەجێ بکات".

 

زانیاریی زیاتر: لەبەشێکی تۆمارە دەنگییە بڵاوکراوەکەی عالیە نسەییفدا، سوکایەتی بە پارێزگاری بەغدا دەکات کە سەر بە حیزبەکەی مالیکییە و دەڵێت "لە پۆستەکەی دووریدەخەمەوە".

 

ئەوەی لەبارەیەوە دەوترێت: بەشێک لە خەڵک و چاودێران لە تۆڕە کۆمەڵایەتییەکان پێیان وایە ئەم تۆمارە دەنگییە بە ژیریی دەستکرد (AI) دروست کراوە، تاوەکو ئێستاش پارێزگاری بەغدا و لایەنە پەیوەندیدارەکان  هیچ زانیاریەکیان بەفەرمی لەسەر ئەم پرسە بڵاونەکردووەتەوە.