لە دهۆک گرووپێک بازرگانی ماددەی هۆشبەر دەستگیر دەکرێن

ئاڤا نیوز

 

گرووپێکی بازرگانی ماددەی هۆشبەر لە دهۆک دەستگیر کران، کە کاری هێنان و فرۆشتنی ماددەی هۆشبەریان کردووە. 

 

وێنە گەورەکە: حکومەتی هەرێمی کوردستان و دامودەزگا ئەمنییەکان بە چڕی کار لەسەر ڕێگریکردن و بڵاوبوونەوە و بەکارهێنانی ماددەی هۆشبەر دەکەن، ئەمەش لە پێناو پاراستنی شیرازەی کۆمەڵایەتی و بەها بەرزەکانی کۆمەڵگەی کوردی، هاونیشتمانیانیش هەماهەنگی باشیان لەم ڕووەوە هەیە. 

 

زانیاریی بەدەستهاتوو: هێزەکانی بەڕێوەبەرایەتی نەهێشتنی ماددە هۆشبەرەکانی پارێزگای دهۆک، دوای ئەوەی سێ شەو چاودێری گرووپێکی گەورەی بازرگانی ماددەی هۆشبەریان کرد، لە ئۆپەراسیۆنێکدا ئەمشەو توانییان گرووپەکە دەستگیر بکەن.

 

زانیاریی زیاتر: ئەو گرووپە کاری هێنان و فرۆشتنی ماددەی هۆشبەریان کردووە، سەرجەم ئەندامانی گرووپەکەش دەستگیر کراون.

 

ئەوەی پێویستە بیزانیت: هەفتەی ڕابردوو لەلایەن هێزەکانی بەڕێوەبەرایەتی نەهێشتنی ماددە هۆشبەرەکان، توانرا بازرگانێکی گەورەی ماددەی هۆشبەر لە دەوروبەری دهۆک دەستگیر بکرێت.