ئێران دەنگۆی کۆبوونەوەی ئیلۆن مەسک و باڵیۆزی تاران لە نەتەوەیەکگرتووەکان ڕەتدەکاتەوە

ئاڤا نیوز

 

چەند سەرچاوەیەکی هەواڵی ئەمریکی پێشتر باسیان لە دیداری ئیلۆن مەسک گەورە ملیاردێری ئەمریکی لەگەڵ ئەمیر سەعید ئیروانی، باڵیۆزی ئێران لە نەتەوەیەکگرتووەکان  کردووە، کەچی وەزارەتی دەرەوەی ئێران ئەم هەواڵانە ڕەتدەکاتەوە.

 

ڕاگەیێنراوی فەرمی: ئسماعیل بەقایی، وتەبێژی وەزارەتی دەرەوەی ئێران، سەرسوڕمانی خۆی سەبارەت بەو دەنگۆیانە نیشان دەدات و هەبوونی دیدارێکی لەم شێوەیە لە نێوان ئیلۆن مەسک و  ئەمیر سەعید ئیروانی ڕەتدەکاتەوە. 

 

زانیاریی بەدەستهاتوو: ئاژانسیAssociated Press، لە زاری سەرچاوەیەکی ئەمریکی بڵاویکردبووەیەوە، ''دیداری نێوان مەسک و باڵێوزی تاران لە نەتەوەیەکگرتووەکان لەسەر داوای ئێران خۆی بووە، کە ئەمەش ڕاستەوخۆ پێچەوانەی ئەو ڕاپۆرتەیە کە لەلایەن نیویۆرک تایمز بڵاوکراوەتەوە کە گوایە ڕاوێژکاری ترەمپ دەستپێشخەری بۆ ئەم دیدارەیی کردووە''. 

 

ئەوەی لە بارەیەوە دەگوترێت: سەرچاوە ئەمریکییەکەش ئاماژەیی بە ناوەڕۆکی کۆبوونەوەکە کردووە، دەڵێت: "هەردوولا تاوتوێی پرسی ئەتۆمی ئێران و هەوڵەکان بۆ باشترکردنی پەیوەندییەکانی نێوان واشنتۆن و تاران کراوە''. 

 

بوچوونی لایەنی بەرامبەر: مەسک تا ئێستا هیچ وەڵامی ئەم دەنگۆیانەی نەداوەتەوە، لەگەڵ ئەمەشدا، بەڕێوەبەری هەڵمەتی هەڵبژاردنەکانی ترەمپ گووتی نازانین کۆبوونەوەیەکی لەم شێوەیە ڕوویداوە یاخود نا.