مەسرور بارزانی جەخت لە هاوئاهەنگیی نێوان پێشمەرگە و سوپای عێراق دەکاتەوە

ئاڤا نیوز

 

سەرۆکوەزیران مەسرور بارزانی  بۆ ڕووبەڕوونەوەی هەڕەشە و کێشە ئەمنییەکان لە سنووری ماددەی 140، جەخت لە هاریکاری و هاوئاهەنگیی نێوان پێشمەرگە و سوپای عێراق دەکاتەوە.

 

پەیامی فەرمی: سەرۆکوەزیران مەسرور بارزانی سەرەخۆشی ئاراستەی بنەماڵە و کەسوکاری عەقید ڕوکن سامان سابیر سلێمان، فەرماندەی فەوجی لیوای یەکی هاوبەش، عەقید محەممەد ڕەزا کەریم، ئەفسەری ئەندازەی فیرقەی نۆی زرێپۆشی سوپای عێراق و مفەوەز  شەریف ئەحمەد محەمەدەمین دەکات کە ئەمڕۆ بەهۆی تەقینەوەی بۆمبێکی چێنراو شەهید بوون، هیوای زوو چاکبوونەوەش بۆ برینداران دەخوازێت.

لەلایەکی دیکەوە: سەرۆکوەزیران مەسرور بارزانی جەخت لە گرنگیی پەرەپێدانی هاریکاریی و هاوئاهەنگیی نێوان هێزی پێشمەرگە و سوپای عێراق دەکاتەوە بۆ ڕووبەڕوونەوەی هەڕەشە و کێشە ئەمنییەکان و چەسپاندیی ئارامیی و سەقامگیریی ناوچە کوردستانییەکانی دەرەوەی ئیدارەی هەرێمی کوردستان.