ئیتاڵیا هاوکاریی مرۆیی بۆ غەززە دەنێرێت

ئاڤا نیوز

لە میانەی هەوڵە نێودەوڵەتییەکان بۆ یارمەتیدانی هاووڵاتییانی زیان لێکەوتووی غەززە، ئیتاڵیا بە فڕۆکەی سەربازی هاوکاریی مرۆیی بۆ غەززە دەنێرێت. 

 

چیرۆکی سەرەکی: ساڵێک زیاترە شەڕ بەرۆکی ئەو ناوچەیەی گرتووە، ئەم شەڕە بووەتەهۆی کوژران و برینداربوونی هەزاران کەس، ئیتاڵیا لە دەستپێشخەریەکی نێودەوڵەتیدا هاوکاری مرۆیی بۆ زیان لێکەوتووان و بریندارانی غەززە ڕەوانە کرد. 

 

ڕاگەیێنراوی فەرمی: وەزارەتی بەرگریی ئیتاڵیا ڕایگەیاند، فرۆکەی ئاسمانی وڵاتەکەمان زیاتر لە 15 تۆن هاوکاریی مرۆیی گەیاندووەتە غەززە بۆ هاوکاری لێقەوماوانی ئەو ناوچەیە. 

 

لێدوانی فەرمی: گویدۆ کرۆستۆ، وەزیری بەرگریی ئیتاڵیا ڕایگەیاند: ئیتاڵیا هەموو هەوڵەکانی بۆ یارمەتیدانی خەڵکی غەززە دەخاتەگەڕ، بەردەوامدەبێت لە هاوکارییکردنی غەززە.

 

زانیاریی بەدەستهاتوو: لەماوەی یەک ساڵی شەڕی غەززە، بەگوێرە نوێترین ئاماری وەزارەتی تەندروستی غەززە بڵاوکراوەتەوە؛ قوربانییانی شەڕ گەیشتووەتە زیاتر لە 43 هەزار کەس.