شێخ دارا: بەفر و باران بەڕێوەیە

ئاڤا نیوز

 

شێخ دارا، پێشکەشکاری کەشوهەوا ڕایدەگەیێنێت، تاوەکو کۆتایی هەفتە ئەگەری بارانبارینی ناو بە ناو هەیە، لە سەرەتای هەفتەی داهاتووش پلەکانی گەرما زیاتر دادەبەزن.

 لێدوانی فەرمی: شێخ دارا، شارەزا و پێشکەشکاری کەشوهەوای ئاڤا لە گەشتی هەواڵەکانی کاتژمێر 07:00 ڕایگەیاند: "لە سەرەتای هەفتەی داهاتوو کاریگەری شەپۆلێکی پاڵەپەستۆی بەرز ڕوو لە ناوچەکانی هەریمی کوردستان دەکات، ئەگەر هەیە پلەکانی گەرمی زیاتر دابەزن".

 

ئەوەی پێشبینی دەکرێت: شێخ دارا دەڵێت بەگوێرەی پێشبینییەکان، لە دەوروبەری ئیدارەی سەربەخۆی زاخۆ و شنگال باران بەشێوەی پچڕپچڕ دەبارێت، هاوکات سبەی دووشەممەش ئەگەری بارانبارین لە هەولێر و سلێمانی و ئیدارەی سەربەخۆی گەرمیان هەیە. ئەم هەفتەیەش لە ناوچە شاخاوییەکان ئەگەری بەفربارین هەیە.