بەهۆی پیسبوونی هەوا بەشێک لە قوتابخانەکانی هیندستان دادەخرێن

ئاڤا نیوز

بەهۆی ئەو دۆخە ژینگەیەی ڕووبەڕووی کەشوهەوای نیودەلیهی پایتەختی هیندستان بووەتەوە، ئەمڕۆ قوتابخانەکانی ئەو ناوچەیە دادەخرێن تاوەکو باشتربوونی دۆخی کەشوهەوای شارەکە.

 

چی ڕوودەدات: حکومەتی وڵاتەکە بڕیاریداوە لەم ماوەی کە قوتابییەکان ناچنەوە بۆ قوتابخانەکان لە ڕێگەی ئۆنلاین وانەکانیان بخوێنن، داواش لەو کەسانە دەکات کە بەساڵاچوون و نەخۆشی کۆئەندامی هەناسەدانیان هەیە لەماڵەکانیان بمێننەوە. 

 

ئەمەش بزانە: دانیشتووانی پایتەختی هیندستان زیاتر لە 30 ملیۆن کەس دەبێت، لە وەزی زستان بە بەردەوامی لە پێشەنگی ئەو وڵاتانەیە کە پیسترین هەوا ڕووی تێدەکات.