ئەمریکا لەبارەی کردنەوەی نووسینگەی حەماس هۆشداریی دەداتە تورکیا

ئاڤا نیوز

 

دوای ئەوەی نووسینگەی مەکتەب سیاسی حەماس لە قەتەر داخرا و دەنگۆی گواستنەوەی بۆ تورکیا هەبوو، ئەمریکا لەوبارەیەوە هۆشداریی دەداتە ئەنقەرە.

 

ڕاگەیێنراوی فەرمی: وەزارەتی دەرەوەی ئەمریکا لەوبارەیەوە ڕایگەیاند: وڵاتەکەیان بڕوای وایە نابێت هیچ وڵاتێک پێشوازی لە بەرپرسانی حەماس بکات.

 

لێدوانی فەرمی: ماتیو میلەر، وتەبێژی وەزارەتی دەرەوەی ئەمریکا لە وەڵامی پرسیارێکی ڕۆژنامەنووسان ڕایگەیاند، "ئێمە هەندێک زانیارییمان پێگەیشتووە سەبارەت بە گواستنەوەی بنکەکانی حەماس لە دەوحە بۆ ئەنقەرە، بە ئاشکرایی بە حکومەتی تورکیا دەڵێین کە نابێت هیچ شتێکی لەم جۆرە ڕووبدات، هیچ وڵاتێک بۆی نییە لەگەڵ ئەم گرووپە مامەڵە بکات'. 

 

لەلایەکی دیکەوە: تا ئێستا هیچ سەرچاوەیەکی فەرمی ئەوەی پشتڕاست نەکردووەتەوە کە حەماس نووسینگەی خۆی گواستبێتەوە بۆ تورکیا، بەڵام لەوبارەیەوە میلەر گووتی 'ئەمە شتێکە نابێت ئینکاری لێبکەین'.