سەرژمێریی دانیشتووان تاوەکو 26 ڕۆژی دیکە بەردەوام دەبێت

ئاڤا نیوز

 

بەڕێوەبەری جێبەجێکاری سەرژمێری لە هەرێمی کوردستان ڕایدەگەیێنێت، سەرژمێریی دانیشتووان تاوەکو 16ـی مانگی داهاتوو بەردەوام دەبێت.
 

لێدوانی فەرمی: مەحموود عوسمان، بەڕێوەبەری جێبەجێکاری سەرژمێری لە هەرێمی کوردستان بە ئاڤا نیوزی ڕایگەیاند: پرۆسەی سەرژمێری لە هەرێمی کوردستان و عێراق سبەی پێنجشەممە کۆتایی نایەت، بەڵکو تاوەکو 16ـی مانگی داهاتوو بەردەوام دەبێت.

 

ئەوەی پێویستە بیزانیت:  لە 22 تا 26 ئەم مانگە بژمێرەکان دووبارە لەبارەی چۆنیەتیی پڕکردنەوەی 70 پرسیارەکەی فۆرمی سەرژمێری ڕاهێنانیان پێدەکرێتەوە. 

 

زانیاریی زیاتر: بەڕێوەبەری جێبەجێکاری سەرژمێری لە هەرێمی کوردستان دەڵێت، لە 27ـی ئەم مانگەوە تاوەکو 16-12-2024، قۆناغێکی دیکەی پرۆسەکە بەڕێوەدەچێت ئەویش پڕکردنەوەی 70 پرسیارە، ئەو کات یەک کەس لە ماڵەوەبێت کێشە نییە، ئەوەی گرنگە زانینی وەڵامی ئەو 70 پرسیارەیە کە لە فۆرمەکەدا هەن.