هەواڵگری عێراق: دوو لە مەترسیدارترین سەركردەكانی داعشمان دەستگیركرد

ئاڤا نیوز

دەزگای هەواڵگری عێراق ئاشكرایكرد، لە ئۆپەراسیۆنێكدا لە دەرەوەی سنوورەكانی عێراق دوو لە مەترسیدارترین سەركردەی داعشیان دەستگیركردووە، كە دەستیان لە تاوانە گەورەكانی عێراقدا هەبووە.

ڕاگەیێنراوی فەرمیی: ڕۆژی شەممە 24-02-2024، دەزگای هەواڵگری عێراق، دەستگیركردنی دوو لە مەترسیدارترین سەركردەی  داعشی ڕاگەیاند، كە چالاكی تیرۆرستیان لە عێراق كردووە.

ئەوەی پێویستە بیزانیت: ئەو دوو سەركردەیەی داعش پێكهاتوون لە عیسام عەبد ناسراو بە (ئەبو زەید) بەرپرسی سەرجەم چالاكییە میدیاییەكان بووە لە پارێزگای فەلوجە و بەشدار بووە لە سەربڕینی كازم ڕیكابی كە سەربازێكی برینداری عێراقی بووە، ئەوەی دووەمیان بەشیر عەبد ناسراو بە ئەبو ئەحمەدی پەیوەندییەكان، بەرپرسی سەرجەم كردەوە تیرۆرستییەكان لە فەلوجە بووە.

زانیاریی زیاتر: ئەم دوو سەركردەیەی داعش ڕۆڵیان لە دەیان چالاكی تیررۆستی لە ناوەوە و دەرەوەی عێراق هەبووە، كە بەشێكی زۆریان لە ساڵی 2014 بوون.