کاردانەوەی وڵاتانی جیهان دوای بڕیارەکەی دادگای دادی نێودەوڵەتی بۆ دەستگیرکردنی نەتانیاهۆ

ئاڤا نیوز

 

بڕیارێکی دادگای دادی نێودەوڵەتیی بۆ دەستگیرکردنی سەرۆکوەزیران و وەزیری بەرگری پێشووتری ئیسرائیل، کاردانەوەی وڵاتانی جیهانی بەدوای خۆیدا هێنا. 

 

وێنە گەورەکە: دوای ئەمڕۆ دادگای دادی نێودەوڵەتی فەرمانی دەستگیرکردنی بۆ هەر یەک لە بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت وەزیری بەرگری پێشووتری ئەو ولاتە دەرکرد، بە تۆمەتی ئەنجامدانی تاوانی دژ بە مرۆڤایەتیی لە کەرتی غەززە، بەهۆیەوە کاردانەوەی نێودەوڵەتی بە دوای خۆیدا هێنا. 

 

ڕاگەیێنراوی فەرمییەکان: لە چوارچێوەی کاردانەوە نێوەدەوڵەتییەکان، وەزیری دەرەوەی هۆڵەندا ڕایگەیاند: ئامادەین بۆ جێبەجێکردنی فەرمانی دادگای تاوانەکانی نێودەوڵەتی دژی نەتانیاهۆ.

- هەر یەکە لە بزووتنەوەی حەماس و فەتح، پێشوازی لە بڕیارەکەی دادگا دەکەن و بە هەنگاوێكی گرنگ ناوزەندییان کردووە.

 

- نوسینگەی بنیامین نەتانیاهۆ: ''بڕیارەکەی دادگای تاوانەکان دژ بە جووەکانە، ئیسرئیل بە نیگەرانییەوە ئەو تۆمەت و نا ڕاستییانە کە لەلایەن دادگای تاوانە نێودەوڵەتییەکانەوە ئاراستەی دەکرێت ڕەتدەکاتەوە''.

 

- جۆزێپ بۆرێل، بەپرسی  یەکێتیی ئەوروپا بۆ سیاسەتی دەرەوە: فەرمانی نێودەوڵەتی بۆ دەستگیرکردنی نەتانیاهۆ و گالانت سیاسی نییە و دەبێت ڕێز لە بڕیارەکەی دادگا بگیرێت و جێبەجێ بکرێت.

 

- جێگری سەرۆک وەزیرانی بەلجیکا ڕایگەیاند: دادگای تاوانە نێودەوڵەتییەکان فەرمانی دەستگیرکردنی بۆ نەتانیاهۆ و گالنت و دیف دەرکردووە و دەبێت ئەوروپا پابەند بێت.

 

- وەزارەتی دەرەوەی فەڕەنسا ڕایگەیاند: کاردانەوەی  پاریس  بۆ فەرمانی دادگای تاوانە نێودەوڵەتییەکان ئەرێنییە  لەگەڵ بنەماکانی یەکدەگرێتەوە.

 

- ئەیمەن سەفادی وەزیری دەرەوەی ئوردن ڕایگەیاند: ''دەبێت بڕیارەکانی دادگای تاوانە نێودەوڵەتییەکان جێبەجێ بکرێن و ڕێزیان لێ بگیرێت فەلەستینییەکان شایەنی دادپەروەرین''.

 

- مایکل مارتن وەزیری دەرەوەی ئێرلەندا ڕایگەیاند: پشتیوانی دادگای تاوانی نێودەوڵەتی دەکەین، داوا لە هەموو وڵاتان دەکەین بە بێلایەنی ڕێز لە بڕیاری  دادگای تاوانە نێودەوڵەتییەکان بگرن، هیچ هەوڵێک نەدرێت بۆ تێکدانی.

- ڕاوێژکاری ئاسایشی نیشتمانی دۆناڵد ترەمپ سەرۆکی هەڵبژێردراوی ئەمریکا: بڕیاری دادگای تاوانە نێودەوڵەتییەکان بێ متمانەیە، ئیسرائیل بەشێوەیەکی یاسایی بەرگری لە خەڵک و سنوورەکانی کردووە،

- کۆمسیۆنی باڵای مافی مرۆڤی نەتەوەیەکگرتووەکان: ڕێز لە سەربەخۆیی دادگای تاوانەکان دەگرین پشتگیری لە کارەکانی دەکەین وڵاتانی ئەندامی ڕۆما دەبێت ڕێز لە بڕیارەکانی دادگا بگرن و جێبەجێی بکەن.

- ڕێکخراوی لێببوردنی نێودەوڵەتی: کەس لە سەرووی یاسا نێودەوڵەتییەکانەوە نییە، ئەگەر کەسێکی حکومی هەڵبژێردراو بێت یان نا''. 

- چاودێری مافەکانی مرۆڤ: ''بڕیارەکانی دادگای تاوانە نێودەوڵەتییەکان ئەو تێڕوانینە هەڵدەوەشێنێتەوە کە کاسانێک لە سەرووی یاساوە بن''.