ئەو هاونیشتمانیيە كوردەی لە سعوودیە دەستگیركراوە ئەمشەو ئازاد دەكرێت

ئاڤا نیوز

عومەر خاڵس، ئەو هاونیشتمانیيە کوردەی کە ئەمڕۆ لە شاری مەدینە دەستگیرکراوە، بڕیارە ئەمشەو ئازاد بکرێت و بگاتەوە هەرێمی کوردستان.

چیرۆکی سەرەکيی: عومەر خاڵس، بە مەبەستی جێبەجێكردنی  عەمرە گەشتی وڵاتی سعوودییەی کردووە، لە نزیک کێوی عەرەفە ڤیدیۆیەکی لە تیکتۆک بڵاوکردووەتەوە، داوا دەکات " هاوبەش بۆ خوا بڕیار نەدەن و ئەوەی دەیکەن خورافیاتە".

لێدوانی فەرميی: حاجی سەروەر شێرزاد، خاوەنی کۆمپانیای زوار مەککە، کە عومەری بردووەتە سعوودیە بە ئاڤا نیوزی گوت: بڕیاربوو کاتژمێر حەوتی ئەمشەو بگەڕێنەوە هەولێر، بەڵام گەشتەکەمان دواکەوتووە بۆ 9:30 ـی شەو، ئەگەر تا ئەو کاتە عومەر خاڵس ڕێکارە یاساییەکانی تەواوبن دەگەڕێتەوە هەرێمی کوردستان".

ئەوەی پێویستە بیزانیت: عومەر خاڵس، هەڵگری وڵاتینامەی بەریتانیایە لەگەڵ دایکی لە هەولێرەوە چوونەتە سعوودیە، بە مەبەستی عەمرەکردن، بڕیارە درەنگانی ئەمشەو بگەنەوە هەرێمی کوردستان.