مەشهەدانی: "ڕەشبینم" بە دۆخی ناوچەکە

ئاڤا نیوز

 

لە میانەی بەشداریكردنی لە پێنجەمین كۆڕبەندی مێپس، مەحموود مەشهەدانی، سەرۆکی پەرلەمانی عێراق گوتارێكی پێشكەش كرد و تیشكی خستە سەر دۆخی ناوخۆیی عێراق و ناوچەكە.

 

وێنە گەورەکە: ئەمڕۆ هەینی 22-11-2024، بە بەشداری سەرۆك بارزانی و زیاتر لە 120 سەرۆك و كەسایەتییەكانی جیهان و ناوچەكە و عێراق، پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست "مێپس-2024" لە شاری دهۆك بەڕێوەدەچێت، تەوەری سەرەكی كۆڕبەندەكەش؛ ناكۆكییەكانی ناوچەكە و ئالیەتی ڕێگریكردنە لە فراوانبوونی گرژییەكان.

 

لێدوانی فەرمی: مەحموود مەشهەدانی ڕایگەیاند: من دیدێکی "ڕەشبینانە" سەبارەت بە دۆخی ناوچەکە دەبینم، بەتایبەتی دوای ئەوەی هەموو جیهان داوای ڕاگرتنی هێرشەکانی ئیسرائیلیان بۆ سەر لوبنان و غەززە کرد، لەبەرامبەردا ئەمریکا مافی ڤیتۆی بەکارهێنا.

 

بابەتە ستراتیژییەکە: مەشهەدانی سەبارەت بەو ئاڵنگارییانەی ڕووبەڕووی ڕۆژهەڵاتی ناوەڕاست دەبنەوە گوتی: "نەخشەی قەیرانەکانی ڕۆژهەڵاتی ناوەڕاست لە دوای 7ی ئۆکتۆبەری 2023 ـەوە گۆڕانکاری بەسەردا هاتووە، شکستی سیستەمی نێودەوڵەتی جیهانی لێکەوتەوە، جیهان  شکستی هێنا بۆ بونیادنانی ئاشتی و سەقامگیری.