ناتۆ و ئۆکراینا لە دوای بەکارهێنانی مووشەکی 'ئۆریشنیک' لەلایەن ڕووسیا کۆدەبنەوە

ئاڤا نیوز

 

بڕیارە هەفتەی داهاتوو ناتۆ و ئۆکراینا کۆدەببەوە، ئەمەش دوای ئەوەی ڕووسیا مووشەکێکی نوێی لە جەنگەکەیدا بەرامبەر بە ئۆکراینا بەکارهێنا. 

 

وێنە گەورەکە: پاش ئەوەی ئەمریکا ڕێگای بە ئۆکراینا دا مووشەکی دوورمەدای ئەمریکی بەکاربێنێت دژی ڕووسیا، لەبەرامبەردا ڤلادیمێر پووتین، سەرۆکی ڕووسیا ڕێگەیدا سووپاکەی مووشەکێکی نوێ بەکاربێنێت کە مووشەکێکی بالیستیکە و ناوی "ئۆریشنیک"ـە. هاوکات پووتین ئەوەشی خستوەتە ڕوو کە سیستمی بەپەرچدانەوەی ئەمریکی ناتوانێت ڕێگربێت لە ئۆریشنیک و ئامانجەکەی خۆی دەپێکێت. 

 

لەلایەکی دیکەوە: ڤلۆدیمێر زێلینیسکی، سەرۆکی ئۆکراینا، داوای لە هاوپەیمانەکانی کردووە کە چەکی بەرگریی ئاسمانی زیاتر بدرێت بە وڵاتەکەی، ئەمەش دوای ئەو هێرشەی بە مووشەکی ئۆریشنیک کرایە سەر ئۆکراینا. 

 

زانیاریی بەدەستهاتوو: بەگوێرەی زانیارییەکان دوای ئەوەی مۆسکۆ بۆ یەکەمجار مووشەکی موورمەودای ئۆریشنیک دژی کیێڤ بەکارهێنا، ناتۆ و ئۆکراینا بۆ تاوتوێكردنی ئەو پێشهاتە نوێیە دەیانەوێت کۆببنەوە.

 

بۆچوونی لایەنی بەرامبەر: کریملن ڕایگەیاند، "بەکارهێنانی مووشەکی ئۆریشنیک ئاگادارکردنەوەی خۆرئاوا بوو. هاوکات هێرشەکان زیاتر دەبن گەر مەترسییەکانی سەر ڕووسیا لەبەرچاو نەگیرێت". 

 

 ئەوەی پێویستە بزانیت: بەکارهێنانی ئەو مووشەکە لەلایەن ڕووسیاوە، دڵەڕواکێی لەناو وڵاتانی خۆرئاوا دروستکردووە. دۆناڵد تۆسک، سەرۆک وەزیرانی پۆڵەندا بەکارهێنانی ئەو مووشەکە لەلایەن ڕووسیاوە بە مەترسی ناودەبات.