مەسرور بارزانی لەبارەی پرسی مووچە بۆ ئاڤا: کێشەکان بەدروستی چارەسەرنەکراون

ئاڤا نیوز

مەسروور بارزانی، سەرۆکوەزیرانی هەرێمی کوردستان لەبارەی چارەسەرکردنی کێشەکانی مووچە لە بەغدا قسە بۆ ئاڤا میدیا دەکات و دەڵێت، هێشتان بە دروستی چارەسەرنەکراون و هیوادارن حکومەتی عێراق بەڵێنەکان جبەجێ بکات.

وێنە گەورەکە: سەرۆکوەزیران مەسرور بارزانی پێش بەشداریکردنی لە دیدارێکدا لە کۆڕبەندی مێپس 2024 لە شاری دهۆک، لەبارەی پرسی مووچە و بارودۆخی کوردستان و ڕۆژهەڵاتی ناوەڕاست قسەی بۆ ئاڤا میدیا کرد.

 

لێدوانی فەرمی: پەیامنێری ئاڤا پرسیاری چارەسەرکردنی کێشەکانی پرسی مووچە و بودجە لە بەغدا لە سەرۆکوەزیران دەکات، لە وەڵامدا دەڵێت: "هیوادارین چارەسەر ببن، هێشتا بەدروستی چارەسەرنەکراون، زۆرجار بەڵێن دەدەن هیوادارم بەڵێنەکانیان جێبەجێ بکەن".

 

لەلایەکی دیکەوە: لەبارەی گرنگی کۆڕبەندی مێپس سەرۆکوەزیران مەسرور بارزانی وتی؛ "هێنانی ئەو ئەکادیمست و شارەزایانە لە وڵاتانی جیهان، بۆ ئەوەیە گفتوگۆ لەبارەی کێشەکانی ڕۆژهەڵاتی ناوەڕاست بکەن، کە بەشێکی گرفتەکان ڕاستوخۆ کاریگەرییان لەسەر بارودۆخی هەرێمی کوردستا هەیە، بۆیە ئامۆژگاری و لێکۆڵینەوە و گفتوگۆکان دەبنە جێگەی بایەخ بۆ ئەوەی لەکاتی بڕیارداندا سوودیان لێ وەربگرین". 

سەرۆکوەزیران مەسرور بارزانی لەبارەی دەرەنجامی کۆربەندەکە هیوای خواست درەنجام و ڕاسپاردەی گفتوگۆ و پانێڵەکان بخرێنە بەردەست بەرپرسەکانی هەرێمی کوردستان و عێراق و ناوچەکە، تاوەکو بتوانرێت لەکاتی پێویستدا سوودیان لێ وەربگیرێت.