ئاسایشی هەولێر سێ بازرگانی ماددەی هۆشبەر دەستگیر دەکات

ئاڤا نیوز

 

بەڕێوبەرایەتیی ئاسایشی هەولێر سێ تۆمەتباری ماددەی هۆشبەر دەستگیر دەکات، کە بڕێک ماددەی هیرۆینیان قووت دابوو، تاوەکو لە گەدەیان هەلی بگرن و دواتر بازرگانی پێوە بکەن.

 

ڕاگەیێنراوی فەرمی: بەڕێوبەرایەتیی ئاسایشی هەولێر ڕایگەیاند، دوای ئەنجامدانی بەدواداچوون لە لایەن هێزەکانمانەوە، بەفەرمانی دادوەری لێکۆڵینەوەی ئاسایشی هەولێر، سێ تۆمەتباری بازرگانی کردن بەماددەی هۆشبەرمان دەستگیر کرد.

 

ئەمەش بزانە: ئاسایشی هەولێر ئاماژە بەوە دەکات کە سێ تۆمەتبارەکە کەسانی بیانین، لە مەرزی باشماخەوە دەربازی هەرێمی کوردستان بوون و بڕێک ماددەی هۆشبەریان لەجۆری هیرۆین لەسەر شێوەی کەپسول قووت داوە، لە گەدەی خۆیان هەڵیان گرتووە و بەنیازبوون لە شاری هەولێر بازرگانی پێوەبکەن.