ڕۆمانسکی: لە بەرژەوەندیی عێراقدا نییە بەشداری ململانێکان بکات

ئاڤا نیوز

 

ئەلینا ڕۆمانسکی، باڵیۆزی ئەمریکا لە عێراق ئاشکرایکرد، ئيسرائيل  هۆشداری لە دەرئەنجامی هێرشەکانی سەر وڵاتەکەی بە میلیشیاکانی سەر بە ئێران لە عێراق داوە، حکومەتی عێراقیشی ئاگادار کردوەتەوە.

 

چیرۆكی سه‌ره‌كی: لەمیانی دیدارێکی ڕۆژنامەنووسی لەگەڵ میدیا عێراقییەکان ئەلینا ڕۆمانسکی، باڵیۆزی ئەمریکا لە عێراق گوتی: "میلیشیاکانی نزیک بە ئێران بەردەوام دەستدرێژی دەکەنە سەر ئیسرائیل، تێلئەڤیڤیش چەندین جار داوای لە حکومەتی عێراق کردووە ئەو هێرشانە ڕابگرێت".

 

لێدوانی فەرمی: ڕۆمانسکی ڕایگەیاند، پەیامی ئێمە بۆ حکومەتی عێراق ئەوەیە کۆنترۆڵی ئەو میلیشیایانە بکات کە بە هیچ شێوەیەک پابەندی بڕیارەکانی حکومەت و فەرماندەی گشتی هێزە چەکدارەکان نابن، ئیسرائیلیش وڵاتێکە خاوەن سەروەرییە و وەڵامی هەموو هێرشێک دەداتەوە لە هەر شوێنێکەوە ئاراستە بکرێت.

 

زانیاریی زیاتر: باڵیۆزی ئەمریکا لە عێراق ئاماژەی بەوەشکرد، "ئەمریکا ڕۆڵێکی زۆر گەورەی هەیە لە کەمکردنەوەی پەرەسەندنی  گرژییەکانی ناوچەکە و پەیوەندی ڕاستەوخۆی لەگەڵ حکومەت و سەرکردە سیاسییەکانی عێراق کردووە بۆ ڕێگریکردن لەو جۆرە هێرشە تیرۆریستییانەی کە لە خاکەکەیەوە دژی وڵاتێک ئەنجام دەدرێت، لە بەرژەوەندی عێراقدا نییە بەشداری ململانێکان بکات.