231 کەس لە باکووری کوردستان بە تۆمەتی ئەندامبوون لە پەکەکە دەستگیر کران

ئاڤا نیوز

 

وەزارەتی ناوخۆی تورکیا ئۆپەراسیۆنێکی لە 30 پارێزگای تورکیا بۆ دەستگیرکردنی ئەندام و لایەنگرانی پەکەکە ڕێکخست.

 

ڕاگەیێنراوی فەرمی: عەلی یەرلیکایە، وەزیری ناوخۆی تورکیا گوتی: ئۆپەراسیۆنی "گورز-27" لە 30 پارێزگای باکووری کوردستان و تورکیا ڕێکخرابوو و 231 کەسیان دەستگیر کرد، کە بەشداربوون لە چالاکییەکانی پەکەکەدا.

 

زانیاریی زیاتر: ئەوانەی دەستگیر کراون کاری ڕۆژانامەوانی و سیاسیان بۆ پەکەکە کردووە و سەرچاوەی داراییان بۆ پەیدا کردوون، هاوکات ڕێپێوان و چالاکییەکانیان بۆ ڕێکخستوون و لە سۆشیاڵ میدیا پڕوپاگەندەیان بڵاوکردووتەوە، ناڕەزایەتی بێ مۆڵەتیان دەربڕێوە و زیانیان بە کەرتی حکومی گەیاندووە.