عێراق پێشوازیی لە ئاگربەستەکەی نێوان لوبنان و ئیسرائیل دەکات

ئاڤا نیوز

 

عێراق پێشوازیی لە ئاگربەستەکەی نێوان لوبنان و ئیسرائیل بۆ ڕاگرتنی گرژییەکان دەکات و داواش دەکات هەمان هەنگاو بۆ کۆتاییهێنان بە کۆمەڵکوژییەکان، لە غەززەش پەیڕەو بکرێت.

 

ڕاگەیێنراوی فەرمی: ئەمڕۆ چوارشەممە وەزارەتی دەرەوەی عێراق لە ڕاگەیێنراوێکدا باسی لەوەکردووە، وڵاتەکەی ئومێدەوارە ئەو ئاگربەستە کۆتایی بەو نەهامەتییانە بهێنێت کەبەسەر گەلی لوبناندا هاتوون، هاوکات جەختیش لە چڕکردنەوەی هەوڵەکان دەکاتەوە بە ئاراستەی ڕاگرتنی هەموو گرژییەکان و پاراستنی ئاسایشی ناوچەکە.

 

لەلایەکی دیکەوە: عێراق داوا لە کۆمەڵگەی نێودەوڵەتی دەکات هەنگاوی خێرا و ڕاستەقینە بگرێتەبەر، بۆ ڕاگرتنی ئەو کۆمەڵکوژیی و دەستدرێژییانەی گەلی فەڵەستین لە غەززە ڕووبەڕووی دەبێتەوە.