نێچيرڤان بارزانى له‌گه‌ڵ وه‌زيرى ناوخۆى به‌ريتانيا كۆبووەوە

ئاڤا نیوز

 

ئێواره‌ى ئه‌مڕۆ چوارشه‌ممه‌ 27-11-2024، نێچيرڤان بارزانى، سەرۆکی هەرێمی کوردستان، پێشوازیی لە ئێڤێت کووپەر، وەزیری ناوخۆی بەریتانیا کرد.

 

چیرۆکی سەرەکی: له‌ كۆبوونه‌وه‌ی سەرۆکی هەرێمی کوردستان و وەزیری ناوخۆی بەریتانیا پته‌وكردنى پەیوەندیيەکانی عێراق و هه‌رێمى کوردستان له‌گه‌ڵ بەریتانیا، هاوکاریی ئەمنی و بەرەنگاربوونەوەی تاوانی ڕێکخراو، کۆچی نایاسایی، بازرگانی بە مرۆڤ، سپیکردنەوەی پارە و تاوانی ئەلیکترۆنی، تاوتوێ كران.

 

ئەوەی پێویستە بیزانیت: سەرۆکی هەرێمی کوردستان ستایشی ڕۆڵی بەریتانیای کرد لە پشتگیریکردنی سەقامگیريی هەرێمی و پاڵپشتیکردنی هەرێمی کوردستان لە پەرەپێدانی توانا ئەمنی و کارگێڕييه‌كانى.

 

لەلایەکی دیکەوە: وەزیری ناوخۆی بەریتانیا ئاماژەی بە به‌رده‌واميى پابەنديى وڵاتەکەی کرد بۆ پشتيوانى و هاوكاری لەگەڵ هەرێمى كوردستان و عێراق.

 

زانیاریی زیاتر: پرسى پێكهێنانى كابينه‌ى نوێى حكومه‌تى هه‌رێمى كوردستان، گرنگیی جێیه‌جێکردنی ده‌ستووری عێراق و چاره‌سه‌رکردنی کێشه‌کانی وڵات، مه‌ترسییه‌کانی داعش، دوایین پێشهاته‌کانی دۆخى‌ ئاڵۆزى ڕۆژهه‌ڵاتى ناوه‌ڕاست ته‌وه‌رێكى ديكه‌ى كۆبوونه‌وه‌كه‌ بوون.