چارەسەرێکی شەکرە بەرەنگاریی شێرپەنجەی سییەکان دەبێتەوە

ئاڤا نیوز

 

توێژینەوەیێکی نوێ دەریخستووە، دەرمانێکی کەم تێچووی نەخۆشی شەکرە توانایەکی چاوەڕواننەکراوی هەیە لە بەرەنگاربوونەوەی شێرپەنجەی سییەکان لە گرووپێکی دیاریکراوی نەخۆشەکاندا.

 

چیرۆکی سەرەکی: بەپێی توێژینەوەکە "میتفۆرمین"، کە یەکێک لە چارەسەرییەکانی شەکرەیە، ڕەنگە کاریگەریی دەرمانەکانی بەرگریی لەش لە بەرەنگاربوونەوەی گرێی سییەکان بەرز بکاتەوە لەو تووشبووانەی شەکرە، کە قەڵەون.

 

ئەوەی پێویستە بیزانیت: ئەنجامی توێژینەوەکە دەریخستووە دەرمانی "میتفۆرمین" تەنیا کاریگەریی لەسەر ئەو تووشبووانەی شەکرە هەبووە، کە کێشی لەشیان زیادە واتە ڕێژەی بارستەی جەستە (BMI)ـیان لە 25 زیاترە، دەرکەوتووە دوای نەشتەرگەریی لابردنی گرێی سییەکان، تەمەنیان درێژتر بووە و گرێیەکانیشیان نەگەڕاوەتەوە.

 

لەلایەکی دیکەوە: توێژەران دەڵێن، هەرچەندە تاقیکردنەوە کلینیکییەکان پشتڕاستی ئەمەیان نەکردووەتەوە، بەڵام داتاکان ئاماژە بۆ ئەوە دەکەن، ڕەنگە "میتفۆرمین" وەکو دژە شێرپەنجە سوودی هەبێت.