هەرێمی كوردستان بۆ پێشخستنی كەرتی گواستنەوە سوود لە ڕووسیا وەردەگرێت

ئاڤا نیوز

 

شاندێكی حكومەتی هەرێمی كوردستان بە سەردانێك لە وڵاتی ڕووسیان و بۆ پرسی كەرتی گواستنەوە و گەیاندن، ژمارەیەك بەرپرسی كەرتەكە لە ڕووسیا بانگهێشتی هەرێمی كوردستان دەكەن.

ڕاگەیێنراوی فەرمی: دەستەی وەبەرهێنانی هەرێمی كوردستان ڕایگەیاند:  لە هەرێمی سانت پێتەرسبۆرگ، هەریەك لە محەممەد شوكری، سەرۆكی دەستەی وەبەرهێنان و جێگری سەرۆكی فەرمانگەی پەیوەندییەكانی دەرەوە و سەرپەرشتیاری ئیدارەی سەربەخۆی زاخۆ لەگەڵ جێگرانی وەزیری گواستنەوەی هەرێمەكە كۆبوونەوە.

 

بابەتە ستراتیژییەکە: لە كۆبوونەوەكەدا تاووتوێی كەرتی گواستنەوە لە وڵاتی ڕووسیا و هەرێمی سانت پێتەرسبۆرگ كرا، شاندەكەی هەرێمی كوردستان هیوایان خواست لە پرسی گواستنەوە و گەیاندندا، هاوكاریی هەرێمی كوردستان بكرێت بە سوودوەرگرتن لە ئەزموونی سەركەوتووی وڵاتەكە.

 

ئەوەی پێویستە بیزانیت: بەمەبەستی هاوكاریكردنی هەرێمی كوردستان لەڕووی كەرتی گواستنەوەدا، شاندی وەزارەتی گواستنەوەی پێتەرسبۆرگ لە داهاتوودا سەردانی هەرێمی كوردستان دەكەن و لە ئێستاوە ئامادەیی هەموو هاوكارییەكیان دەربڕیوە.