سەرمایەی پرۆژەکانی وەبەرهێنان لە دهۆک زیاتر لە شەش ملیار دۆلارە

ئاڤا نیوز

 

بە گوژمەی زیاتر لە شەش ملیار دۆلار، 297 پرۆژەی وەبەرهێنانی ناوخۆیی، هاوبەش و بیانی لە سنووری پارێزگای دهۆک هەن.

 

وێنە گەورەکە: لە کۆی 297 پرۆژەی وەبەرهێنان لە سنووری پارێزگای دهۆک، 281 پرۆژەی وەبەرهێنانی ناوخۆیین، هاوکات 12 پرۆژەی وەبەرهێنانی بیانی، چوار پرۆژەی هاوبەشیش لە نێوان کۆمپانیا ناوخۆیی و بیانییەکان هەیە.

 

لێدوانی فەرمی: د. هەڤاڵ سدیق، بەڕێوەبەری گشتیی وەبەرهێنانی دهۆک بە ئاڤا نیوزی ڕاگەیاند: سەرمایەی 281 پرۆژەی وەبەرهێنانی ناوخۆیی نزیکەی 5 ملیار دۆلارە، هاوکات سەرمایەی 12 پرۆژەی وەبەرهێنانی بیانی لە دهۆک زیاترە لە 661 ملیۆن دۆلار، چوار پرۆژەی هاوبەشیش سەرمایەکەیان زیاترە لە 522 ملیۆن دۆلار.

 

ئەمەش بزانە: بەڕێوەبەری گشتیی وەبەرهێنانی دهۆک ئاماژەی بەوەشکرد، کە بەردەوام دەبن لە بەرەوپێشبردنی پرۆژەکانی وەبەرهێنان لە سنووری دهۆک، هاوکات زەمینەیەکی لەبارتر بۆ بازرگان و وەبەرهێنەرانی بیانی دەڕەخسینن