حەشدی شەعبی و سوپا بۆ پارێزگاری لە سنوورەکان جووڵەیان پێدەکرێت

ئاڤا نیوز

 

بە مەبەستی چاودێری و کۆنترۆڵی سنوور لەگەڵ سووریا، نزیکە 10 هەزار سەرباز و چەکداری حەشدی شەعبی لە سنووری نێوان عێراق- سووریا بڵاوەیان پێکراوە.

 

چیرۆكه‌ سه‌ره‌كیه‌كه‌: دوای تەنیا 24 کاتژمێر لە جێبەجێکردنی بڕیاری ئاگربەست لە نێوان ئیسرائیل و لوبنان، چەکدارانی "تەحریر و شام" و هێزە چەکدارەکانی دیکەی ئۆپۆزیسیۆن، هێرشی فراوانیان بۆ داگیرکاری کۆنترۆڵکردنی ناوچەکانی سووریا دەستپێکردووە. 

 

زانیاریی به‌ده‌ستهاتوو: سەرچاوەیەکی ئەمنی ئاشکرای کرد، پێنج لیوا بەهەموو جۆرە کەرەستەیەکی سەربازییەوە جۆڵەیان پێکراوە، سێ لیوایان سەربە سوپان و دوو لیوای دیکەیان سەر بەهێزەکانی حەشدی شەعبین، لە سنوورەکانی نێوان عێراق و سووریا بڵاوەیان پێکرا. 

 

لەلایەکی دیکەوە: ئەمڕۆ بەیانیش هێزێکی ئەمنی لەنزیک فڕۆکەخانەی "موسەنا" ی سەربازی نزیک زانکۆی ئاشوور لەناوەڕاست بەغدای پایتەخت بڵاوەی پێکرا، تائەم کاتەش هۆکارکەی نەزانراوە.