ئەمریکا: لە نزیکەوە چاودێری دۆخی سووریا دەکەین

ئاڤا نیوز

 

شۆن ساڤێت، گوتەبێژی ئەنجوومەنی ئاسایشی نیشتمانیی کۆشکی سپی ڕایگەیاند، ئەمریکا لە نزیکەوە بەدواداچوون بۆ پێشهاتەکانی حەلەبی سووریا دەکات و لەگەڵ حکومەتەکانی وڵاتانی ناوچەکە لە پەیوەندیدایە.

 

وێنە گەورەکە: لە 27 و 28ـی مانگی 11ـی ئەمساڵەوە، گرووپە چەکدارەکانی ئۆپۆزسیۆن لە سووریا هێرشێکی چڕیان بۆ سەر ناوچەکانی ژێر دەسەڵاتی بەشار ئەسەد، سەرۆکی سووریا دەستپێکردووە و توانیان بەماوەیەکی کەم شاری حەلەب کۆنترۆڵ بکەن، هاوکات بەپێی دوایین ئامار تائێستا 300 کەس کوژراون.

 

لێدوانی فەرمی: شۆن ساڤێت، گوتەبێژی ئەنجوومەنی ئاسایشی نیشتمانی کۆشکی سپی لەبارەی دۆخی هەنووکەیی سووریا ڕایگەیاند: بە وردی چاودێری دۆخەکە دەکەین و لە ماوەی 48 کاتژمێری ڕابردوودا لەگەڵ لایەنە پەیوەندیدارەکان لەسەر هێڵ بووین.

لەلایەکی دیکەوە: ئەمریکا ڕژدە لەسەر ئەوەی جارێکی دیکە ڕێگە بە سەرهەڵدانەوەی گرووپی تیرۆرستی داعش لە سووریا نادەن.