حکومەتی عێراق بڕیارێک دژی تیکتۆک دەردەکات

ئاڤا نیوز

 

بانکی ناوەندی لەسەر داوای وەزارەتی پەیوەندییەکانی عێراق بڕیارێک لە دژی ئەو کەسانە دەردەکات کە لە ڕێگەی تیکتۆکەوە پارە پەیدا دەکەن.
  
ڕاگەیێنراوی فەرمی: بانکی ناوەندی لەسەر داوای وەزارەتی پەیوەندییەکانی عێراق، نووسراوێکی ئاڕاستەی بانکە مۆڵەتپێدراوەکانی عێراق کردووە و ئاگاداری کردوونەتەوە کە گواستنەوەی پارە بۆ بریکارەکانی کۆمپانیای تیکتۆک ڕاگیراوە. 

 

زانیاریی زیاتر: ئەم بڕیارەی وەزارەتی پەیوەندییەکان لە کاتێكدایە، ڕۆژانە پارەیەی زۆر لە ڕێگەی لایڤ و سپۆنسەرەوە لەو تۆڕە کۆمەڵایەتییە خەرج دەکرێت و بۆ بەشێک لە هاووڵاتییانی عێراقیش بووەتە سەرچاوەی داهات. 

 

ئەوەی پێویستە بیزانیت: بەشێک لە وڵاتانی جیهان بڕیاری داخستنی تەواوەتی ئەو تۆڕەیانداوە، بە هۆکاری بە جێهێشتنی کاریگەری دەروونی خراپ لەسەر بەکارهێنەران و گەنجان.