حەلەب بەتەواوی کەوتە دەست گرووپە چەکدارەکانی سووریا

ئاڤا نیوز

ڕوانگەی سووری بۆ مافەکانی مرۆڤ ڕایگەیاند، شاری حەلەب بەتەواوی کەوتە دەست هێزەکانی دەستەی تەحریر شام و هێزە لایەنگرەکانیان، جگە لە گەڕەکەکانی ژێر دەسەڵاتی هێزە کوردییەکان نەبێت.

 

وێنە گەورەکە: لە 27-28ی نۆڤەمبەر، دەستەی تەحریر شام و هێزە لایەنگرەکانیان لە ئۆپۆزسیۆنی سووریا, هێرشی چڕیان کردە سەر ناوچەکانی ژێر دەسەڵاتی سوپای سووریا و شاری حەلەبیان کۆنترۆڵ کرد، بەپێی دوایین ئامارەکانیش 300 کەس کوژراون.

 

لێدوانی فەرمی: ڕامی عەبدولڕەحمان، بەڕێوەبەری ڕوانگەی سووری بۆمافەکانی مرۆڤ، بە ئاژانسی فرانس پرێسی ڕاگەیاند: "دەستەی تەحریر شام و هێزە لایەنگرەکانیان کۆنترۆڵی سەرجەم شاری حەلەبیان کرد، جگە لە گەڕەکەکانی شێخ مەقسود و ئەشرەفیە نەبێت کە لەژێر دەسەڵاتی هێزە کوردییەکاندان.

 

ئەوەی پێویستە بیزانیت: لە دوای سەرهەڵدانی ململانێ ناوخۆییەکانی سووریا لەساڵی 2011، یەکەمجارە شاری حەلەب کە دووەم گەورەترین شاری سووریایە لەژێر کۆنترۆڵی حکومەتی سووریادا نامێنێت.