عەباس عێراقچی بە سەردانێکی فەرمی گەیشتە تورکیا

ئاڤا نیوز

 

وەزیری دەرەوەی ئێران بە سەردانێکی فەرمی گەیشتە ئەنقەرەی پایتەختی تورکیا و لەگەڵ هاوتا توورکییەکەی  دۆخی سووریا و ئاڵۆزییەکانی ناوچەکەیان تاوتوێ کرد.

 
وێنە گەورەکە: ئەمڕۆ دووشەممە 2-12-2024، عەباس عێراقچی، وەزیری دەرەوەی ئێران بە سەردانێکی فەرمی گەیشتە تورکیا لەگەڵ هاکان فیدان، وەزیری دەرەوەی تورکیا دۆخی سووریا و ڕاگرتنی گرووپە چەکدارەکانیان تاوتوێ کرد.

 

لێدوانی فەرمی: عەباس عێراقچی ڕایگەیاند: زۆرێک لە کێشەکانی ناوچەکە لە دەستێوەردانی دەرەکییەوە سەرچاوە دەگرن و گرووپە تەکفیرییەکان لە سووریا پەیوەندییەکی نزیکیان لەگەڵ ئەمریکا و ئیسرائیلدا  هەیە. هاوکات وتی، گەڕانەوەی تیرۆریستان ئاسایشی سووریای خستووەتە مەترسییەوە.

 

لە لایەکی دیکەوە: هاکان فیدان ڕایگەیاند: ڕێز لە یەکپارچەیی خاکی سووریا دەگرین، ئێمە لەگەڵ ئێران لە گفتۆگۆداین لەسەر کێشەکانی ناوچەکە.