قەیرانی سووتەمەنی لە دەوڵەمەنترین پارێزگای عێراق سەر هەڵدەدات

ئاڤا نیوز 

 

لە پارێزگای بەسرە قەیرانی گەورەی بەنزین و گاز سەری هەڵداوە و ئۆتۆمبێل و بارهەڵگرەکان بە درێژایی چەندین کیلۆمەتر ڕیزیان گرتووە، ئاسایشی پارێزگاکەش ڕوونکردنەوە دەدات.

 

زانیاری بەدەستهاتوو: بەگوێرەی بەڵگەنامەیەک کە لەلایەن بەڕێوەبەرایەتیی ئاسایشی بەسرەوە بڵاوکراوەتەوە، بەهۆی لەکارکەوتنی پاڵاوگەی شوعەیبەوە، دابینکردنی هەموو جۆرە سووتەمەنییەک بۆ بەنزینخانەکانی بەسرە لە 02-12-2024ـەوە بەشێوەیەکی کاتی ڕادەوەستێت.

 

هۆكاره‌ زانراوه‌كان: وەستانی بەرهەمهێنانی نەوت بەهۆی کەڵەکەبوونی پاشماوەی پاڵاوتنی نەوتی خاو لە ناو پاڵاوگەکە و پاککردنەوەی لەلایەن کۆمپانیای سۆمۆوە هۆکاری لەکارکەوتنی پاڵاوگەکە بوو.