سوودانی بۆچی دەچێتە پەرلەمان؟

ئاڤا نیوز

 

نووسینگەی سەرۆکوەزیرانی عێراق دەڵێت، سوودانی خۆی داوای کردووە لە کۆبوونەوەی ئەمڕۆی پەرلەماندا ئامادەبێت و تیایدا سیاسەتەکانی حکومەت پەیوەست بە دۆخی ناوچەکە و ڕووبەڕووبوونەوەی ئاستەنگەکان تاوتوێ دەکرێت.

 

وێنە گەورەکە: ئەمڕۆ پەرلەمانی عێراق کۆدەبێتەوە و یەکەم بڕگەی دانیشتنەکەی بریتی دەبێت لە میوانداریکردنی محەممەد شیاع سوودانی، سەرۆکوەزیرانی عێراق، هاوکات گفتوگۆ لەسەر پرۆژەیاسای هەمواری یەکەمی یاسای بودجەی گشتیش دەکات.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاوی کردەوە، پەرلەمانی عێراق لەسەر داوای خۆی میوانداریی محەممەد شیاع سوودانی دەکات بۆ تاوتوێکردنی سیاسەتەکانی حکومەت و ئەو ڕێوشوێنانەی کە دەیگرێتەبەر بۆ ڕووبەڕووبوونەوەی ئاستەنگ و پێشهاتە بەردەوامەکانی ناوچەکە، لەدوای ڕووداوەکانی 07ـی تشرینی یەکەمی 2023ـەوە.

 

زانیاریی زیاتر: لە ڕاگەیێنراوەکەدا باس له ئامانجەکانی بەرنامەی حکومەت و کارە لەپێشینەکانی و ئەوەی بەدەستهاتووە دەکرێت، لەگەڵ پڕۆژەیاسا گرنگ و پێویستەکان بۆ تەواوکردنی ئامانجەکانی پلانی گەشەپێدان.